اسلام آباد ۔ 28 فروری (اے پی پی) وزیراعظم محمد نواز شریف توقع کیتی جو 13 ویں اقتصادی تعاون تنظیم کانفرنس دے اسلام آباد اعلامیہ تے ای سی او وژن 2025ء نال خطے اچ اقتصادی خوشحالی کوں فروغ ملسی،علاقائی سالمیت اتے رابطیاں کوں ودھاونڑ اچ مدد ملسی۔اے گالھ مہاڑ انہاں ای سی او دے سیکرٹری جنرل حلیل ابراہیم نال گالھ مہاڑ کریندیں ہوئیں آکھی جنہاں منگل کوں انہاں نال اتھاں ملاقات کیتی۔ ای سی او دے سیکرٹری جنرل 13 ویں اقتصادی تعاون تنظیم دے اجلاس سانگے پاکستان آئے ہوئے ہن ۔وزیراعظم محمد نواز شریف اسلام آباد اچ 13 ویں ای سی او کانفرنس دے انعقاد بارے ای سی او دے سیکرٹری جنرل اتے انہاں دی ٹیم کوں سراہیا۔ای سی او دے سیکرٹری جنرل ،ای سی او کانفرنس دی میزبانی اتے اوندے بہترین انتظامات تے وزیراعظم محمد نواز شریف دا شکریہ ادا کیتا۔
