اسلام آباد ۔ 27 فروری (اے پی پی) بینظیر انکم سپورٹ پروگرام دی چیئر پرسن ماروی میمن آکھیا ہے جو پاکستان اچوں 5.4 ملین توں ودھ تریمتاں ایں پروگرام توں فائدہ چیندیاں پیاں ہن ۔ریڈیو پاکستان نال گالھ مہاڑ کریندے ہوئیں انہاں آکھیا جو بینظیر انکم سپورٹ پروگرام دے بجٹ اچ1سو پندرہ ارب روپے دے ودھارے نال بی آئی ایس پی تریمتاں سانگے ملک دا ساریں توں وڈا مالیاتی پروگرام بنڑ گیا ہے ایندے توں فائدہ چاونڑ آلیں کوں ادائیگی کرنڑ سانگے بائیومیٹرک تصدیق دا نظام وی شروع کر ڈتاگیا ہے۔ ماروی میمن آکھیا جو ایںپروگرام توں 5.4 ملین توں ودھ تریمتاں فائدہ چیندیاں پیاں ہن ایندے نال غربت اچ 7فیصد گھٹکی تھی ہے ۔انھاں آکھیا جو ایں پروگرام توں فائدہ حاصل کرنڑ آلیں دی کہیں قسم دی شکایت تے ازلے سانگے ہیلپ لائن نمبر تے براہ راست ریڈیو شکایت دے نظام دا آغاز وی کر ڈ گیا ہے۔
