اسلام آباد ۔ 16 فروری (اے پی پی)دفتر خارجہ دے ترجمان ہک واری ولا آکھیا جو بھارت دی دفاعی تیاریاں خطے دے امن تے استحکام سانگے خطرہ ہن ۔بھارت پاکستان اچ تخریبی سرگرمیاں اچ ملوث اے۔بھارت ایل او سی اتے ورکنگ بائونڈری دی ولا ولا خلاف ورزی کریندا پئے ۔پوری قوم پاک فوج دے رلے کھڑی اے۔عالمی برادری مقبوضہ کشمیر اچ بھارتی مظالم دا نوٹس گھنے ۔پاک چین تعاون خطے سانگے فائدہ ڈیسی،آپسی تعاون تنازعات توں چنگا اے۔دفتر خارجہ دے ترجمان محمد نفیس زکریا خمیس کوں ہفتہ وار پریس بریفنگ وچال صحافیاں دے سوالاں دا جواب ڈیندیں ہوئیں آکھیا جو بھارت دی دفاعی تیاریاں خطے دے امن تے استحکام سانگے خطرہ ہن ۔نویں دہلی دی ایٹمی تیاریاں باعث تشویش ہن ۔ایں نال علاقے اچ طاقت دا توازن وگڑ ویسی۔کشمیر بارے ہک سوال دا جواب ڈیندیں ہوئیں ترجمان عالمی برادری تے زور ڈتا جو او مقبوضہ کشمیر اچ بھارتی فورسز ولوں انسانی حقوق دی سنگین خلاف ورزیاں دا نوٹس گھنن۔ایں توں انج بھارت ایل او سی اتے ورکنگ بائونڈری تے وی سیز فائر دی مسلسل خلاف ورزی کریندا پئے جئیں نال درجناں قیمتی جاناں ضائع تھی چکین ۔
