اسلام آباد ۔ 14 فروری (اے پی پی) وزےر مملکت نیشنل ہیلتھ سروسز ریگولیشنز اینڈ کوآرڈینیشن سائرہ افضل تارڑ آکھیا ہے جو موجودہ حکومت انتخابات اچ کیتے گے وعدیں دے مطابق مربوط اتے جامع اصلاحاتی ایجنڈا نافذ کیتا ہے صحت دیاں سہولتاں دے حوالے نال اساڈی حکومتی پالیسیاں دا محور غریب طبقہ ہے جیں کوں ہیلتھ انشورنس کارڈ ڈتے گے ہن ۔ایہا وجہ ہے جو ہنڑ تئیں چنگیاں معیاری سرکاری تے پرائیویٹ ہسپتالاں اچ مفت علاج کرویندے پے ہن تے علاج توں مطمئن ہن ۔اپنڑے ہک بیان اچ انہاں آکھیا جو وزیر اعظم ہیلتھ پروگرام دی تشکیل اچ مریم نواز شریف صاحبہ دے تدبر اتے بصیرت کوں وی چنگاں اکھیندوں ۔ انہاں آکھیا جو اساں ایں پروگرام دے معیار کوں چنگاں بنڑاونڑ سانگے چنگے انداز اچ مانیٹرنگ دا وی اہتمام کیتا ہے ۔ ایں سانگے میں اتے میڈی ٹیم ایں پروگرام دے تحت کارڈ ہولڈر زکوں ساریاں سہولتاں دی فراہمی یقینی بنڑیندے پئے ہوں۔ اساں اپنڑے وعدیں دے مطابق غربت دی لکیر توں تلے زندگی گزارنڑ آلیں کوں صحت تے علاج دا بنیادی حق پجیندے پیوں کیوں جو اساڈی حکومت اپنڑے قیام دے پہلے ڈینھ توں ہی عوام دے احساس محرومی مکاونڑ تے کم کیتا جیں کوں کجھ عناصر دے علاوہ اج عوام تے خاص طور تے غریب تے پسماندہ طبقے چنگاں اکھیندے ہن ۔انہاں آکھیا جو بغیر کہیں شک دے اساںمحنت تے لگن اصلاحات تے عملی اقدامات دا نتیجہ ہے ۔
