اسلام آباد ۔ 04 فروری (اے پی پی) صدر مملکت پاکستان ممنون حسین آکھیا جو خطے اچ امن دا خواب اوں ویلھے شرمندہ تعبیر تھی سگدے،جڈاں کشمیریاں دی خواہشات دے مطابق مسئلہ کشمیر دا حل کڈھیا ونجے ،مسئلہ کشمیر پاکستان اتے بھارت وچال بنیادی تنازعہ اے،خطے دے لوک امن اتے خوشحالی دی سویل دے متمنی ہن ،بھارت ولوں اقوام متحدہ دی قرارداداں تے عمل توں انکاری ہوونڑ پاروں او اے سویل نی ڈیکھ سگیے۔ہفتہ کوں یوم یکجہتی بارے آپنڑے سنھیے اچ انہاں آکھیا جو بھارت نہ صرف تسلسل نال گزریل ست دھائیاں توں کشمیریاں کوں حق خودارادیت ڈیونڑ توں انکار کریندا پئے جڈانجو او مقبوضہ کشمیر اچ انسانی حقوق دی خلاف ورزیاں ،تشدد اتے جبر اچ ملوث اے۔انہاں آکھیا جو کشمیر دا تنازعہ برصغیر دی ونڈ دا نامکمل ایجنڈا اے،اتے اے اقوام متحدہ دی سلامتی کوسنل دے ایجنڈے تے ساریاں توں پرانڑاں زیر التواء تنازعہ اے۔انہاں آکھیا جو پاکستان عالمی برادری توں مطالبہ کریندے جو او ایں معاملہ اچ آپنڑی ذمہ واریاں دا اداراک کرے۔انہاں عالمی برادری تے زور ڈتا جو او مقبوضہ کشمیراچ بھارتی قابض مسلح فوج ولوں اجوکی انسانی حقوق دی سنگین خلاف ورزیاں دی آزادانہ تحقیقات دا مطالبہ کرے اتے کشمیریاں تے اقوام متحدہ دی سلامتی کونسل دی قرارداداں تے آپنڑی ذمہ واریاں پوری کرے۔
