اسلام آباد ۔2 فروری(اے پی پی)وزیراعظم محمد نوازشریف آکھیا جو پاکستان عالمی تجارت اچ قومی حصہ ودھاونڑ سانگے بہترین اقدامات اختیار کرنڑ اتے ایں بارے بین الاقوامی اداریاں نال تعاون ودھاونڑ دی خواہش رکھیندے۔خمیس کوں اتھاں وزیراعظم ہائوس اچ انٹرنیشنل ٹریڈ سینٹر (آئی ٹی سی) دی ایگزیکٹو ڈائریکٹر مادام آرانچا گونزالیزنال گالھ مہاڑ کریندیں ہوئیں انہاں آکھیا جو حکومت ای کامرس بارے قومی پالیسی بنڑیندی پئی اے جئیں تے وزارت تجارت اتے انفارمیشن ٹیکنالوجی دے وفاقی وزراء سانجھے طور کم کریسن۔ وزیراعظم ‘ انٹرنیشنل ٹریڈ سینٹردی ایگزیکٹو ڈائریکٹردے پہلے دورہ پاکستان دا خیر مقدم کریندیں ہوئیں مختلف تجارتی انیشی ایٹوزفنی امداد اتے استعداکار اچ ودھارے دے پراجیکٹس سانگے حکومت پاکستان ولوں آئی ٹی سی دی سپورٹ تے تشکر کیتا۔
