اسلام آباد ۔ 16 فروری (اے پی پی) وفاقی وزیر دفاع خواجہ محمد آصف آکھیا جو پاکستان امن پسند ملک اے،عالمی برادری خصوصی طور ہمسایاں نال پر امن تعلقات برقرار رکھنڑ دی خواہش اے،قومی فائدے دے تحفظ اتے کہیں وی جارحیت دے خلاف سرحداں دے دفاع سانگے پرعزم اے۔او خمیس کوں پاکستان ائروناٹیکل کمپلیکس کامرہ اچ جے ایف17تھنڈر لڑاکا طیارے پاک فضائیہ دے حوالے کرنڑ دی تقریب نال خطاب کریندے پئے ہن ۔انہاں آکھیا جو ملکی سطح تے دفاعی آلات دی تیاری اچ خودانحصاری ای قومی دفاع کوں مضبوط بنڑاونڑ دا ہکو ذریعہ اے۔انہاں آکھیا جو حکومت مستقبل اچ پاک فضائیہ کوں آپریشنل طیاریاں خصوصی طور جے ایف 17تھنڈر طیاریاں دے پروگرام سانگے فنڈز دی فراہمی سانگے پر عزم اے۔وفاقی وزیر آپریشن ضرب عضب اچ پاک فضائیہ دے اہم کردار کوں سراہیا۔
