اسلام آباد۔ 23فروری(اے پی پی) پاکستان مسلم لیگ (ن) دے رہنماتے رکن قومی اسمبلی دانیال عزیز آکھیا ہے جو عدالت عظمیٰ اچ تحریک انصاف دے دلائل اچ کوئی وزن کائنی تے پاناما کیس اپنڑے انجام دے پاسے ویندا پیا ہے ایں کیس دا فیصلہ آئین اتے قانون دے مطابق تھیسی۔خمیس کوں اتھاں میڈیا نال گالھ مہاڑ کریندے ہوئیں انہاں آکھیا جو وقت گزرنڑ دے نال نال پانامہ کیس اپنڑے انجام تے پجدا پیا ہے ۔انہاں آکھیا جو پٹیشنرزولوںگذریل چا ر سالاں اچ مختلف قسم دے بیانات ڈتے ویندے پے ہن تاں جو اج پہلی واری مخالف وکیل عدالت اچ دلائل ڈیندے ہوئیں سچ آکھیا ہے جو او عدالت دا وقت ضائع کریندے پے ہن ۔انہاں آکھیا جو مخالفین ہک پاسے اکھیندے ہن جو عدالتی فیصلہ آﺅسی تاں قبول کیتا ویسی اتے ڈوجھے پاسے عدالت کوں دھمکاونڑ دا عمل جاری رکھے ہوئے ہن ۔دانیال عزیز آکھیا جو اج عدالت مختلف موقع تے آکھیا ہے جو پی ٹی آئی ولوں جیرھے اخباری تراشے تے کاغذ جمع کیتے ویندے پے ہن او قابل سماعت کائنی تے تے فیصلہ قنون تے آئین دے مطابق کیتا ویسی ۔
