اسلام آباد ۔ 15 مارچ (اے پی پی) محکمہ موسمیات دے مطابق آندے 24گھنٹے دے دوران ملک تے اتلے علاقیں ،بشمول کشمیر ،گلگت بلتستان ،پنجاب تے خیبر پختونخوا اتے شمال مشرقی بلوچستان اچ مطلع ابر آلود رہنڑ دا امکان ہے ۔تاں جو کوئٹہ ژوب، قلات، مالاکنڈ، ڈی آئی خان، ڈی جی خان، سرگودھا ڈویژن، فاٹا، گلگت بلتستان اتے کشمیر اچ کجھ جہیں تے تکھی ہوا دے نال تے کھمنڑ نال ہلکا مینھ وسنڑ دا امکان ہے ۔ رپورٹ دے مطابق ایں دوران راولپنڈی، گوجرانوالہ، لاہور، فیصل آباد، ملتان اتے ہزارہ ڈویژن اچ بوندا باندی وی تھی سگدی ہے جڈاں جو ملک دے بئے علاقیں اچ موسم رکھا تے ٹھڈ ا رہسی۔ رپورٹ دے مطابق گزریل 24 گھنٹے دے دوران ملک دے ودھ سارے علاقیں اچ موسم ٹھڈا تے رکھا رہیا تاں جو کوئٹہ، ژوب، مالاکنڈ ڈویژن اتے فاٹا اچ کجھ جہیں تے تکھی ہوا دے نال تے کھمنڑ نال مینھ وسیا ۔ ساریں توں ودھ مینھ کوئٹہ اچ 16 ملی میٹر، خضدار06، پاراچنار05، لیہ02، کالام، ژوب اتے چترال اچ1 ملی میٹر ریکارڈ کیتی گی ۔ بدھ کوں ریکارڈ کیتی گی ملک دی ٹھڈی ترین جاہ دے درجہ حرارت دی رپورٹ دے مطابق استور، مالم جبہ، سکردو، کالام اچ درجہ حرارت منفی 02 ڈگری سینٹی گریڈ جڈاں جو گوپس اچ منفی 1ڈگری سینٹی گریڈ ریکارڈ کیتا گیا ۔
