اسلام آباد ۔17 مارچ(اے پی پی) وفاقی وزیر منصوبہ بندی تے ترقی احسن اقبال آکھیا ہے جو چین پاکستان اقتصادی راہداری دے تحت چین دے کاروباری اداریں یا لوکاں کوں کوئی وی اضافی مراعات کائنی ڈتیاں ویندیاں پیاں ‘ پاکستان اتے چین دے کاروباری لوکاں کوں انہاں دے مساوی موقع ڈتے ویندے پے ہن ۔جمعے کوں ایوان بالا دے اجلاس اچ سینیٹر شیخ عتیق ولوں تحریک التوا دی منظوری دے معاملے بارے چاتے گے نکتے دا جواب ڈیندے ہوئیں انہاں آکھیا جو ہنڑ تئیں خصوصی اقتصادی زون دا قیام عمل اچ کائنی لاتا گیا لیکن چین پاکستان اقتصادی راہداری دے تحت چین دے کاروباری لوکاں کوں کوئی اضافی مراعات کائنی ڈتیاں ویندیاں پیاں ۔سارے سرمایہ کاراں کوں مساوی مراعات ڈتیاں ویسن ۔
