اسلام آباد ۔15 مارچ(اے پی پی) وزارت پارلیمانی امورولوں قومی اسمبلی کوں ڈسایا گیا جو انتخابی اصلاحات کمیٹی دی سفارشات دا مسودہ پارلیمنٹ دے ڈوہیں ایواناں اچ پیش کیتا گیاہے تاں جو مختلف طبقے توں ملنڑ آلیاں صلاحیں دی روشنی اچ انتخابی اصلاحا ت دے مسودے دا جائزہ گھدا ویسی ۔بدھ کوں قومی اسمبلی اچ سوالاںدے وقفے دے دوران شیخ صلاح الدین دے سوال دے جواب اچ وفاقی وزیر شیخ آفتاب احمد قومی اسمبلی کوں ڈسایا جو انتخابات اچ ٹرن آﺅٹ اچ ڈینہوڈینھ گھٹکی تھیندی پئی ہے ۔ لوک محسوس کریندے پئے ہن جو ووٹ ڈیونڑاں چاہیدا ہے ۔ وزیر خزانہ اسحاق ڈاردی سربراہی اچ انتخابی اصلاحات کمیٹی سارے انتخابی اصلاحات تے کم کریندی پئی ہے ۔ نعیمہ کشور خان دے ضمنی سوال دے جواب اچ وفاقی وزیر شیخ آفتاب احمد آکھیا جو انتخابی اصلاحات دا بل ایں سال منظوری تھیسی جیں نال انتخابی ایکٹ دا نفاذ اتے قوانین کوں سوکھا بنڑایا ویسی تے انتخابی عمل مضبوط تھیسی۔
