لاہور۔28 مارچ(اے پی پی )وزیراعلیٰ پنجاب محمد شہبازشریف منگل کوں لودھراں اچ وڈے جلسے توں خطاب کیتا اتیجنوبی پنجاب دی عوام نال آپنڑی والہانہ محبت دا کھل کراہیں اظہار،سرائیکی زبان اچ وی خطاب کیتا جئیں کوں جلسے اچ ہزاراں بندیاں بہوں پسند کیتا اتے شہباز شریف زندہ باد، اتے ڈیکھو ڈیکھو کون آیا شیر آیا،شیر آیا دے نعرے،لاتے۔وزیراعلیٰ ہتھ ہلا کراہیں نعریاں دا جواب ڈتا۔جلسہ گاہ اچ لوکاں دا جوش و خروش ڈیکھنڑ آلا ہئی اتے وزیراعلیٰ دے آونڑ تے انہاں دا والہانہ استقبال کیتا گئیا ۔وزیراعلیٰ آپنڑے خطاب اچ میٹر بس کوں جنگلا بس آکھنڑ آلے نیازی صاحب،پیپلز پارٹی دی قیادت اتے قرضے معاف کراونڑ آلیاں تے تنقید کیتی۔وزیر اعلیٰ جئیں ویلھے لودھراں سانگے 25ارب روپے دے خصوصی ترقیاتی پیکیج دا اعلان کیتا تاں سارا پنڈال شہباز شریف زندہ باد دے نعریاں نال گونج پئیا۔
