اسلام آباد ۔ 09 مارچ (اے پی پی)صدر مملکت ممنون حسین آکھیا جو دہشت گردی دے خاتمہ سانگے پاک ۔امریکہ تعاون اہم اے،دہشت گردی کہیں وی ملک اچ ہووے پاکستان یکا اوندی مذمت کیتی اے۔اے گالھیں انہاں خمیس کوں امریکا سانگے نامزد پاکستانی سفیر اعزاز احمد چوہدری نال ملاقات اچ گالھ مہاڑکریندیں ہوئیں آکھی جنہاں ایوان صدر اچ انہاں نال ملاقات کیتی۔صدر مملکت امریکہ اچ سفیر تعیناتی اتے انہاں کوں مبارکباد ڈتی۔انہاں امید کیتی جو انہاں دے دور اچ پاکستان اتے امریکہ دے تعلقات مستحکم تھیسن۔صدرمملکت اکھیا جو امریکہ نال پاکستان دے تعلقات بہوں اہم ہن ۔صدر مملکت آکھیا جو او پاکستان دا روشن تشخص اجاگر کرنڑ سانگے آپنڑے تجربے بروئے کار لیسن اتے امریکہ سرمایہ کاراں کوں پاکستان اچ سرمایہ کاری آلے پاسے راغب کریسن۔صدرمملکت آکھیا جو پاکستان اچ سرمایہ کاری دے بہوں موقع موجود ہن جئیں نال باہرلے سرمایہ کار فائدہ چا سگدن۔
