اسلام آباد ۔ 07 مارچ (اے پی پی) ریاستاں اتے سرحدی امور بارے اموربارے وفاقی وزیر جنرل (ر) عبدالقادر بلوچ آکھیا جو اساں لاشاں وی چاﺅں اتے معافیاں وی منگوں اے نہیں تھی سگدا، افغانستان بھارت دے آکھنڑ تے اساڈے نال تعلقات چاہندے جیہڑا جو اساکوں منظور کائنی ، امیدہے جو افغانستان نال تعلقات اچ تکھے بہتری آویسی ،سرتاج عزیز چنگے طریقے مشیر خارجہ دیاں ذمہ داریاں ادا کریندے پئے ہن ، خارجہ پالیسی بارے ارکان قومی اسمبلی آپنڑیاں تجویز اں ڈیون ، انہاں دی روشنی اچ خارجہ پالیسی تے نظرثانی کیتی ویسی ۔ منگل کوں قومی اسمبلی دے اجلاس اچ شاہدہ رحمانی ولوں پیش کیتی گئی تحریک اُتے بحث مکیندے ہوئیں وفاقی وزیر جنرل (ر) عبدالقادر بلوچ آکھے جو ارکان صرف خارجہ پالیسی اُتے بحث بھارت اتے افغانستان تئیں محدود رکھی ہے۔ عالم اسلام اتے بیاں عالمی اقوام نال تعلقات بارے کہیں وی طرح دی تنقید سامنڑیں کائنی آئی ۔ انہاں آکھیا جو اے تاثر درست کائنی جو ملک دی خارجہ پالیسی ناکامی دا شکار ہے۔ بدقسمتی نال افغانستان نال کڈاہئیں تعلقات چنگے کائنی ریہے ۔ افغانستان پاکستان دی اقوام متحدہ دی رکنیت دی مخالفت کیتی۔ ڈو جنگاں اچ افغانستان بھارت دا ساتھ ڈتا۔ اساڈی حکومت دے آندے ہی افغان صدر کو ںجی ایچ کیو اچ بریفنگ ڈتی گئی ۔ اساں ہنڑ وی 30 لکھ افغان مہاجراں دی مہمان نوازی کریندے پئے ہئیں ۔
