اسلام آباد ۔ 31 مارچ (اے پی پی) وزیراعظم محمد نواز شریف پارہ چنار اچ تھیونڑآلے بم دھماکے دی شدید مذمت کیتی ہے جیندے اچ کئی قیمتی جاناں دا ضیاع اتے ودھ سارے افراد زخمی تھئے ہن ۔ جمعے کوں وزیراعظم ولوں جاری بیان دے مطابق وزیراعظم حادثے اچ جاں بحق تھیونڑآلیاں دے لواحقین نال دلی ہمدردی اتے تعزیت دا اظہار کیتے اتے دعا کیتی ہے جو اﷲ تعالیٰ مرحومین کوں آپنڑیں جوار رحمت اچ جاہ ڈیوے۔ انہاں زخمیاں دی تکھے صحت یابی کیتے وی دعا منگی ہے ۔ وزیراعظم حکومت دے ملک توں ہر صورت دہشت گردی دے ناسور کوں مکاونڑ دے عزم کوں دہرایاہے ۔ انہاں آکھیا جو دہشت گرداں دے نیٹ ورک کوں تروڑ دتا گئے اتے آپنڑیں سرزمین توں دہشت گردی دے مکمل خاتمے تئیں جنگ جاری رکھنڑاں اساڈی قومی ذمہ داری ہے ۔ وزیراعظم متعلقہ حکام کو ںہدایت کیتی ہے جو مقامی انتظامیہ دی ہر ممکن مدد کیتی ونجے ۔
