اسلام آباد ۔6مارچ(اے پی پی) وزیر مملکت برائے داخلہ انجینئر بلیغ الرحمان آکھے جو پنجاب دی حکومت کہیں قومیت دے افراد دے نال امتیازی سلوک کائنی کریندی پئی ، لہور بم دھماکے دے بعد 441 افراد کوں حراست اچ گھدا گیاجنہاں اچوں صرف 34 پختون ہن ، اساکوں قومی یکجہتی ہر چیز اُتے اہمیت رکھنڑ یں چاہیدی ہے اتے کہیں ایں طرح دی چیز دا حصہ نہیں بنڑاں چاہیدے ، جیندے نال غلط فہمیاں پیدا ہوسن ۔ سنوار کوں ایوان بالا دے اجلاس اچ اظہار خیال کریندے ہوئیں وزیر مملکت برائے داخلہ انجینئر بلیغ الرحمان آکھے جو شناختی کارڈ بلاک کرنڑ بارے کہیں نال کئی وی امتیازی سلوک کائنی کیتا ویندا پیا، حکومت لوکیں دی سہولت کیتے مشترکہ تصدیق دا سلسلہ ختم کیتے ، ہک پارلیمانی کمیٹی وی ہنڑ کم کریند ی پئی ۔ انہاں آکھیا جو کہیں اکائی نال متعصبانہ رویہ ملک نال دشمنی دے برابر ہوسی ۔ انہاں آکھیا جو بلال گنج اتے منڈی بہاﺅالدین اچ جیہڑے واقعے تھئے ہن انہاں دی تصدیق کرگھنڑیں چاہیدی ۔
