اسلام آباد ۔ 06 مارچ (اے پی پی) وفاقی وزیر برائے منصوبہ بندی، ترقی تے اصلاحات احسن اقبال ا سلام آباد اچ سی پیک ٹاور تعمیرکرنڑ دی ہدایت جاری کر ڈتی اے۔اے بلند عمارت چین اتے بئے ملکاں دے سرمایہ کاراں کوں راغب کرنڑ اتے پاک چین دوستی دی علامت ہوسی۔وفاقی وزیر احسن اقبال اے ہدایت سنوار کوں پلاننگ کمیشن اسلام آباد اچ ہک اجلاس دی صدارت کریندیں ہوئیں آکھی،اجلاس اچ وزارت منصوبہ بندی ،بئے وزارتاں اتے محکمیاں دے اعلیٰ حکام شریک تھیے۔ایں موقع تے پر ممبر انفراسٹرکچر ، پلاننگ کمیشن دی سربراہی اچ ہک کمیٹی بنڑائی گئی جیڑھی ایں منصوبے کوں عملی شکل ڈیونڑ سانگے کم کریسن۔اجلاس دی صدارت کریندیں ہوئیں وفاقی وزیر آکھیا جو متعلقہ کمیٹی کوں سی پیک ٹاور دی فزیبیلٹی ،سائٹ دی نشاندہی اتے ایں مقصد سانگے اراضی دے حصول دا ٹاسک وی ڈے ڈتا گئے ۔
