اسلام آباد ۔ 13 مارچ (اے پی پی) وفاقی وزیر ترقی و منصوبہ بندی احسن اقبال آکھیا جو سی پیک پاکستان کوں دنیا دا محبوب ملک بنڑاڈتے،2025ء تئیں پاکستان کوں دنیا دی پہلی25معیشتاں اچ رلاونڑ دا تہیہ کیتا ہوئیا۔او سنوار کوں ہمدرد یونیورسٹی دے کانووکیشن نال خطاب کریندے پئے ہن ۔ایں موقع تے انہاں آکھیا جو بجلی دے نویں منصوبے لاتے ویندے پئن ،وڈی حد تئیں لوڈشیڈنگ تے قابو پا گھدے اتے جلدی لوڈشیڈنگ دا خاتمہ کر ڈتا ویسی،2013ء اچ ملک کوں 18,18گھنٹے لوڈشیڈنگ دا سامنڑاں ہئی۔انہاں آکھیا جو اجوکی حکومت تے اقدامات نال ملک تکھے ترقی کریندا پئے ،نیا دا ہر مستند جریدہ پاکستان کوں ابھردی ہوئی معیشت آکھدا پئے۔کستا ن سٹاک ایکسچینج کوں ایشیاء دی وڈی اسٹاک ایکسچینج قرارڈتا ویندا پئے ۔
