اسلام آباد ۔ 13 مارچ (اے پی پی) چیئرمین سینٹ میاں رضا ربانی پارلیمانی رپورٹرز ایسوسی ایشن دے نومنتخب صدرقربان بلوچ، جنرل سیکرٹری بہزاد سلیمی اتے بئے عہدیداراں کوں دلی مبارخ دیندے ہوئیں آکھیا جو پی آر اے اتے پارلیمنٹ ڈوہائیں لازم و ملزوم ہن ۔ سنوار کوں آپنڑیں ہک مبارخی سنیہے اچ انہاں آکھیا جو پارلیمنٹ اچ تھیونڑآلی قنون سازی، قومی تے عوامی نوعیت دے مسلیاں اتے انہاں دے حل کیتے کیلئے عوامی نمائندگان ولوں چاتے گئے اقدامات کوں عوام تئیں پجاونڑ اچ پی آر اے مدد ڈیونڑ دا کردار ادا کریندی ہے ۔ میاں رضا ربانی آکھے جو پارلیمنٹ اتے پارلیمنٹ دی کارروائی تئیں آسان رسائی کیتے ودھ سارے قدم چاتے گئے ہن ۔ انہاں امید ظاہر کیتی جو پی آر اے دے نومنتخب عہدیداراں آپنڑیں ووٹرز دی فلاح و بہبود کیتے کوششاں جاری رکھیسی اتے جمہوریت دے فروغ کیتے ذرائع ابلاغ دے مؤثر کردار کوں بیا فعال بنڑیسن ۔
