اسلام آباد ۔3 مارچ(اے پی پی)وفاقی وزیر جہاز رانی و بندرگاہیں میر حاصل بزنجو آکھیا ہے جو گوادر پورٹ توں آمدن اچ بلوچستان دے حصے سانگے دستور اچ نویں ترمیم لاونڑیں پوسی۔جمعے کوں ایوان بالا اچ سوالاں دے وقفے دے دوران اعظم سواتی دے سوال دے جواب اچ میر حاصل بزنجو ڈسایا جو گزری ترائے سالاں دے دوران مرکزی وزارت دے کہیں افسر یا اہلکار کوں ولا ملازمت کائنی ڈتی گی ۔وزارت دے ملازماں دیاں ڈگریاںتئیں چیک نی کرایاں گیاں ۔سینیٹر چوہدری تنویر دے سوال دے جواب اچ میر حاصل بزنجو ڈسایا جو جولائی 2016توں دسمبر 2016تئیں کراچی پورٹ ٹرسٹ دے ذریعے تجارت دا حجم ڈو کروڑ 58لکھ ٹن ہے ۔کراچی پورٹ ٹرسٹ سانگے ڈاہ سالہ بزنس ڈویلپمنٹ پلان تیار کیتا ویندا پیا ہے جیں دا مقصدبین الاقوامی معیار یعنی مشینی تے پیداواری صلاحیت دا حصول ہے ۔
