اسلام آباد ۔ 19 اپریل (اے پی پی) سینیٹ کوں ڈسایا گئیا جو پیمرا آرڈیننس 2002ئ، پیمرا ترمیمی ایکٹ 2007ء دفعہ 20 (و) دے مطابق پیمرا دے لائسنس ہولڈر تے لازم اے جو او سیٹلائٹ ٹی وی چینل تے چلائے ونجنڑ آلے پروگراماں اتے اشتہاراں سانگے بنڑائے گئے ضابطہ اخلاق تے عمل کرے۔بدھ کوں ایوان بالا اچ سوالاں دے وقفے وچ سینیٹر میاں عتیق شیخ دے سوال تے وزیرمملکت برائے اطلاعات، نشریات و قومی ورثہ مریم اورنگزیب ولوں سینیٹ اچ تحریری بیان اچ ڈسایا گئیا جو پیمرا ضابطہ اخلاق دی واضح خلاف ورزی تے ازخودنوٹس گھندے اتے شکایتاں تے فوری توجہ ڈیندے۔
