اسلام آباد ۔ 22 اپریل (اے پی پی) محکمہ موسمیات دے مطابق آندے 3 ڈینھ اچ ملک اچ بارش دا امکان ہے اتے چھنڑ چھنڑ توں سنوار دے خیبر پختونخوا، فاٹا، گلگت بلتستان، کشمیر، پنجاب اچ کتھائیں کتھائیں اتے اسلام آباد اچ کتھائیں کتھائیں تیز ہوائیں /اندھاری اتے گرج چمک نال بارش تھی سگدی ہے جڈانجو (سبھائیں ) اتوار اتے سنوار دے دوران کوئٹہ، ژوب، سبی اتے نصیر آباد ڈویژن اچ کجھ جاہیں اُتے تیز ہوائیں /اندھاری اتے گرج چمک نال بارش دی پیش گوئی کیتی گئی ہے۔ ایں دوران ملک دے میدانی علاقیاں اچ ڈینھ دے درجہ حرارت اچ 3 توں 5 ڈگری سینٹی گریڈ تئیں گھٹکی دا امکان ہے ۔ محکمہ موسمیات دے مطابق گزریل 24 گھنٹیاں اچ ملک دے بہوں سارے علاقیاں اچ موسم گرم اتے رُکھا ریہا جڈانجو خیبر پختونخوا، بالائی پنجاب، فاٹا، گلگت بلتستان اتے کشمیر اچ کجھ جاہیں اُتے تیز ہوائیں /اندھاری اتے گرج چمک نال بارش تھئی ۔
