اسلام آباد ۔ 10 اپریل (اے پی پی) اسلامی تعاون دی تنظیم (او آئی سی)دے سیکرٹری جنرل یوسف بن العثیمین آکھیا جو مسئلہ کشمیر تنظیم دے ایجنڈے اچ پہلے نمبر تے اے،پاکستان او آئی سی دا ہک اہم رکن ملک اے۔سنوار کوں اتھاں مشیر خارجہ سرتاج عزیز دے رلے سانجھی پریس کانفرنس توں خطاب کریندیں ہوئیں انہاں آکھیا جو اساں سارے وڈے مسئلیاں تے پاکستان نال رل تے کم کریسوں۔پاکستان دی قیادت دا شکریہ کریندیں ہوئیں سیکرٹری جنرل آکھیا جو پاکستان سارے مسلماناں دا گھر اے۔انہاں آکھیا جو سرتاج عزیز نال جامع مسئلیاں تے گالھ مہاڑ تھی اے۔اسلامی دنیا کوں درپیش مسئلیاں دے حل بارے اساڈا ہک ڈوجھے نال کٹھ اے۔پوری دنیا اچ دہشت گردی دے واقعیاں دی مذمت کریندیں ہوئیں انہاں آکھیا جو دہشت گرداں دی کوئی نسل مذہب یا ملک کائنی۔ہک سوال تے انہاں آکھیا جو او آئی سی ہک تنظیم دی حیثیت نال مسلم امہ نال پوری یکتجہتی کریندی اے اتے تنظیم دے بنیادی معاملیاںا چ وی اے گالھ شامل اے۔
