ملتان۔3 اپریل (اے پی پی )وفاقی وزیرمملکت برائے ٹیکنیکل تعلیم تے نارکوٹکس کنٹرول انجینئر بلیغ الرحمن آکھیا جو بارہویں جماعت تئیں دے طلباء جڈانجو قرآن پاک دی تعلیم بمعہ ہک متفقہ ترجمعہ حاصل کریسن تاں فرقہ کھنڈاونڑ آلے اتے قرآن دے ترجمعہ کوں آپنڑے مقاصد اتے آپنڑے رنگ اچ بیان کرنڑ آلے ناکام تھیسن۔ اسلامیہ یونیورسٹی بہاولپور اچ ناظرہ قرآن دی تعلیم دے پائلٹ پراجیکٹ دی افتتاحی تقریب دے موقع تے خطاب کریندیں ہوئیں انہاں آکھیا جو وزیراعلیٰ پنجاب دی ہدایت تے ایں پروگرام دا پائلٹ پراجیکٹ بہاولپور توں شروع کیتا ویندا پئے جیڑھا جو پورے پنجاب اتے بعد اچ چاریں صوبیاں اچ جلدی شروع تھی ویسی۔انہاں آکھیا جو پہلی توں پنجویں کلاس تئیں ناظرہ قرآن دی تعلیم دے ایں پراجیکٹ دی منظوری سارے سٹیک ہولڈر نال ولا ولا میٹنگ کر تے انہاں کوں اعتماد اچ گھن کراہیں گھدی گئی اے۔
