اسلام آباد ۔ 14 اپریل (اے پی پی)مشیر خارجہ سرتاج عزیز ‘کلبھوشن یادیو دی سزا بارے بھارت دے بے بنیاد دی الزامات کریندیں ہوئیں آکھیا جو نویں دہلی ذمہ واری دا مظاہرہ کریندیں ہوئیں ایجھے بیانات جاری کرنڑ تاں باز رہیے جئیں نال ڈوہاں ملکاں دی عوام وچال دشمنی بئی ودھے۔پاک بھارت تعلقات اچ ودھدے ہوئے بحران دے خاتمہ سانگے فعال سفارتکاری دی لوڑھ اے۔۔بھارتی جاسوس کلبھوشن یادیو دیخلاف ملکی قوانین دے تحت پورے شفاف انداز اچ اے مقدمہ چلایا گئے ،اینکوں پورے قنونی معاونت ڈتی گئی اے۔کلبھوشن یادیو پاکستان دی سالمیت کوں ضیان پجاونڑ اتے تخریبی سرگرمیاں اچ ملوث رہیے۔اونکوں پکے ثبوتاں دی بنیاد تے سزا ڈتی گئی اے۔بھارتی جاسوس کوں سزا ڈیونڑ تے ساری سیاسی جماعتاں کٹھی ہن اتے پاکستان کوں درپیش سارے سکیورٹی خطریاں دے خلاف ساری قوم کٹھی اے۔جمعہ کوں مشیر خارجہ پریس کانفرنس توں خطاب کریندیں ہوئیں فوجی عدالت ولوں کلبھوشن یادیو کوں سزائے موت دے فیصلے دے بعد بھارت دے بے بنیاد الزامات دی مذمت کیتی اتے آکھیا جو کلبھوشن یادیو دے خلاف مقدمے اچ سارے قنونی تقاضے پورے کیتے گئے ،مقدمہ پورے شفاف انداز اچ چلایا گئے اتے اینکوں قنونی معاونت ڈتی گئی اے۔
