اسلام آباد ۔11 اپریل(اے پی پی)وزیر دفاع خواجہ محمد آصف آکھیا جو را دے ایجنٹ کلبھوشن یادیو دے خلاف مقدمے اچ سارے قنون تقاضے پورے کیتے گئن ،پچھلے ساڈے ترائے مہینیاں توں ایں دے خلاف بھارت دے ایما تے پاکستان اچ دہشت گردی اتے عدم استحکام توں ڈو چار کرنڑ دا مقدمہ چلد اپئے ،پاکستان دی سالمیت دے خلاف کم کرنڑ آلے اندرلے اتے باہرلے عناصردے خلاف کوئی روائیت کائنا کیتی ویسی ۔پاکستان آپنڑی زمین دے چپے چپے دا دفاع کریسی۔منگل کوں بھارتی جاسوس کلبھوشن یادیو کوں سزائے موت ڈیونڑ دے معاملے تے گالھ مہاڑ کریندیں ہوئیں انہاں آکھیا جو گزریل سال مارچ اچ را دے افسر کلبھوشن کوں گرفتار کیتا گئیا۔پچھلے ساڈھے ترائے مہینیاں توں اوندے خلاف بھارت دے ایما تے پاکستان اچ دہشت گردی اتے عدم استحکام نال دوچار کرنڑ دا مقدمہ چلدا پئے ۔انہاں آکھیا جو ست ڈینھ اچ کلبھوشن اپیل کر سگدے۔
