دبئی ۔ 05 اپریل (اے پی پی) پاکستان اتے بین الاقوامی مالیاتی فنڈ (آئی ایم ایف) معاہدہ دی شق آئی وی دے تحت سالانہ مشاورت کامیابی نال پوری کر گھدی۔وفاقی وزیر خزانہ اسحاق ڈاردا آئی ایم ایف مشن دے سربراہ ہیرالڈ فنگردے رلے سانجھی پریس کانفرنس توں خطاب کریندیں ہوئیں آکھیاجو مشورے اچ معیشت دے مختلف شعبیاںدا وسیع احاطہ کیتا گئے ۔انہاں آکھیا جو گالھ مہار کامیاب طور پوری تھیونڑ نال توانائی،مالیات اتے سرکاری شعبے دے اداریاں سمیت مختلف شعبیاں اچ ٹھوس ڈھانچہ جاتی اصلاحات بارے حکومت دے پیہم عزم دی عکاسی تھیندی اے۔انہاں آکھیا جو مسلسل تریجھے سال 4فیصد توں ودھ دی شرح نال جی ڈی پی شرح نمو دآپنڑاں تسلسل برقرار رکھیے۔انہاں آکھیا جو حکومت ایں مالی سال وچال 5فیصد توںودھ شرح نمو توقع کریندی پئی اے جیڑھی جو گزیل 9سالیں وچال بلندی ترین شرح تے ہوسی۔
