اسلام آباد ۔ 25 مئی (اے پی پی) آئندہ مالی سال2017-18سانگے وفاقی بجٹ (اج) جمعے کوں قومی اسمبلی اچ پیش کیتا ویسی ۔ قومی اسمبلی دا اجلاس جمعے دی تریجھے پہر 4وجے سڈیا گیا ہے ۔ وفاقی وزیر خزانہ اسحاق ڈار آندے مالی سال 2017-18دا بجٹ پیش کریسن ۔قومی اسمبلی دے ہاﺅس بزنس ایڈوائزری دے تحت حسب روایت وفاقی بجٹ تے بحث ڈو ہفتے جاری رہسی ‘ بحث دے دوران ارکان پارلیمنٹ ولوں ّآونڑ آلیاں تجویزاں تے صلاح دی روشنی اچ وفاقی وزیر خزانہ محمد اسحاق ڈار بجٹ تے بحث سانبھ گھنسن جیں دے بعد مختلف وزارتاں تے ڈویژن دے مطالبات زر دی منظوری دا عمل شروع تھی ویسی تے اپوزیشن ولوں بعض وزارتاں دے مطالبات زر دی کٹوتی دی تحاریک وی متوقع ہن۔ ہاﺅس بزنس ایڈوائزری کمیٹی فیصلہ کیتا ہے جو قومی اسمبلی دا بجٹ سیشن 14جون تئیں جاری رہسی ۔رمضان شریف دی وجہ توں قومی اسمبلی دے اجلاس دا دورانیہ سویلے 11توں پنج وجے تئیں مقرر کیتا گیا ہے ۔
