اسلام آباد ۔ 05 مئی (اے پی پی) وفاقی وزیر پانڑیں تے بجلی خواجہ محمد آصف آکھے جو حکومت اپوزیشن جماعتاں دے جلسے جلوساں توں اصلوں وی پریشان کائنی ۔ جمعے کوں ہک نجی ٹی وی چینل نال گالھ مہاڑ کریندے ہوئیں انہاں آکھیا جو پاکستان مسلم لیگ (ن) دی حکومت 2018ء دے اخیرتئیں ملک اچوں بجلی دی لوڈ شیڈنگ کوںمکاونڑ دا جیہڑا وعدہ کیتے اوں کوں پورا کیتا ویسی ۔ انہاں آکھیا جو حکومت کوں موسم دی شدت دا احساس ہے جڈانجو اساں یقین ڈیویندے ہئیں جو گرمیاں دا اے موسم لوڈ شیڈنگ دا اخیری موسم ہوسی کیونجو حکومت ایں مسئلے دے حل کیتے بھرپور کوشش کریندی پئی ہے ۔ وفاقی وزیر دا آکھنڑ ہئی جو او لوک جیہڑے بجلی چوری اچ ملوث ہن انہاں نال بہوں سختی نال نبڑیا ویسی اتے انہاں دے بجلی دے کنکشنز وی کپ ڈتے ویسن ۔
