اسلام آباد ۔ 05 مئی (اے پی پی) وزیراعظم دے ترجمان ڈاکٹر مصدق ملک آکھے جو سپریم کورٹ ولوں اعلان کیتی گئی آئی ٹی دے رکناں اُتے حکومت کو ں کئی اعتراض کائنی ۔ جمعے کوں ہک نجی ٹی وی چینل نال گالھ مہاڑکریندے ہوئیں انہاں آکھیا جو عدالت عظمیٰ جے آئی ٹی دے رکناں کوں حتمی شکل ڈیونڑ سانگے آپنڑاں استحقاق استعمال کیتے اتے حکومت عدالت عظمیٰ دے اختیار دا پورا احترام کریندی ہے ۔ ترجمان وزیراعظم دا آکھنڑ ہئی جو حکومت عدالت عظمیٰ سمیت عدلیہ نال تعاون اتے انہاں دے فیصلیاں دا بھرپور احترام کریندی ہے ۔ انہاںآکھیا جو حکومت عدلیہ نال تعاون کیتے اتے مستقبل اچ وی ایں طرح تعاون کریسی ۔ انہاں آکھیا جوپاناما پیپرز اچ وزیراعظم محمد نواز شریف دا ناںکتھائیں وی موجود نہ ہونڑ دے باوجود انہاں آپ کوں اتے آپ دے ٹبر کوں تحقیقات سانگے پیش کیتا۔
