اسلام آباد ۔ 06 مئی (اے پی پی) صدر مملکت ممنون حسین آکھے جو بھارت کوں امن اتے دوستی دا سنیہا ڈینداں اتے اوں کوںآکھداں جو کشیدگی دے ذریعے خطے دی ترقی اتے امن و استحکام کو ںخطرے اچ نہ پاوے ۔ صدرمملکت اے گالھ سرحد چیمبر آف کامرس اینڈ انڈسٹری ولوں ڈو ڈینھ دی صنعتی نمائش دے افتتاح دے بعد تقریب نال الیندے ہوئیں آکھی۔ ایں موقعے تے بزنس مین فورم دے قائد سینیٹر الیاس احمد بلور ، صدر سرحد چیمبر آف کامرس اینڈ انڈسٹری حاجی محمد افضل اتے نمائش دے کنوینر ذوالفقار علی خان وی خطاب کیتا۔ صدر مملکت آکھیا جو افغان اساڈے بھر اہن ، انہاں نال کھلے دل توں دوستی اتے بھئی چارہ چاہندے ہئیں ۔ افغانستان اچ امن و استحکام کیتے بہوں خلوص نال کم کریندے پئے ہئیں ۔ کیونجو اے اساڈے وی مفاد اچ ہے۔انھاں آکھیا جو حکومت پاکستان آپنڑیں سارے ہمسایاں دے نال کھلے دل نال دوستی اتے تعاون چاہندی ہے جیندے اچ یقیناً کامیابی تھیسی ۔ صدر مملکت آکھیا جو کئی باہرلیاں طاقتاں پاک افغانستان تعلقات اچ رخنہ اندازی کریندیاں ہن ۔ جڈانجو افغانستان اساڈے خلوص کوں سمجھدے ۔ انھاں آکھیا جو پاکستان خطے اچ امن اتے سلامتی چاہندے ۔ ایران نال معاملے چنگے تھئے ہن جڈانجو بئے ہمسایاں نال وی گانڈھے چنگے بنڑاونڑ اچ بہوں تکھے کامیاب تھی ویسوں ۔ صدر مملکت آکھیا جو موجودہ دور اچ صنعتی مقاصد کیتے لوڈ شیڈنگ مکا ڈتی گئی ہے ۔ صدر مملکت آکھیا جو پاک چین اقتصادی راہداری خطے دی قسمت وٹا ڈیسی اتے پاکستان علاقے دا ساریاں توں اہم ملک بنڑ ویسی ۔ انھاں واضح کیتا جو راہداری دے رستے اچ کئی وی وٹا پھیر کائناں کیتا ویسی ۔
