اسلام آباد۔ 31 مئی (اے پی پی) صدر مملکت ممنون حسین آکھیا جو کشمیر اچ انسانی حقوق دی سنگی خلاف ورزیاں تھیندیاں پئین جئیں دا اقوام عالم اتے انسانی حقوق دی تنظیماں کوں نوٹس گھنڑاں چاہیدے۔اے گالھ انہاں بدھ کوں بھارت سانگے پاکستان دے نامزد ہائی کمشنر سہیل محمود نال گالھ مہاڑ کریندیں ہوئیں آکھی۔ایوان صدر ولوں جاری بیان دے مطابق صدر مملکت آکھیا جو کشمیر اچ بھارتی مظالم نال سفارتی برادری کوں موثر انداز اچ ڈسایا ونجے۔انہاں آکھیا جودنیا مقبوضہ کشمیر دی صورتحال بارے آگاہ تھیندی پئی اے جڈانجو ایں معاملے کوں بئیا اجاگر کرنڑ دی لوڑھ اے۔صدر مملکت توقع ظاہر کیتی جو عالمی سیاست اچ بہوں جلدی مثبت تبدیلیاں دے امکان ہن جئیں نال کشمیر اتے فلسطین دا مسئلہ اتھاں دی عوام دی خواہشات دے مطابق جلدی حل کرنڑ دی امید اے۔صدر مملکت آکھیا جو پاکستان خطے اچ امن سانگے بھارت سمیت سارے ہمسایہ ملکاں نال برابری دی سطح تے دوستانہ تعلقات دی خواہش رکھیندے۔
