اسلام آباد ۔18 مئی(اے پی پی) قومی اسمبلی دا اجلاس غیر معینہ مدت تئیں ملتوی کر ڈتا گیا ۔ خمیس کوں اپوزیشن ارکان ایوان توں واک آﺅٹ تے ہن ایں دوران ساجد نواز کورم دی نشاندہی کرڈتی ۔ ارکان دی مطلوبہ تعداد پوری ہوونڑ تئیں قومی اسمبلی دے اجلاس دی کاروائی کجھ دیر سانگے معطل رہی تا ں جو کجھ دیر بعد ڈپٹی سپیکر مرتضیٰ جاوید عباسی ایوان اچ آ تے ولا گنتی دا حکم ڈتا۔ ارکان دی مطلوبہ تعداد پوری نہ نکلنڑ تے انہاں قومی اسمبلی دے اجلاس دی کاروائی غیر معینہ مدت سانگے ملتوی کر ڈتی ۔
