اسلام آباد ۔ 04 مئی (اے پی پی) اسلام آباد اتے راولپنڈی سمیت پورے ملک دے ودھ سارے علاقیں اچ موسم رکھا جڈاں جو مالاکنڈ، مکران ڈویژن، فاٹا، گلگت بلتستان اتے کشمیر اچ کجھ جہیں تے اندھاری تے تکھی ہواتے کھمنڑ نال مینھ وسنڑ دا امکان ہے ۔محکمہ موسمیات دے مطابق گزریل 24 گھنٹے دے دوران اسلام آباد تے راولپنڈی سمیت ملک دے ودھ سارے علاقیں اچ موسم رکھا رہیا تاں جومالاکنڈ ،، ہزارہ ڈویژن تے کشمیر اچ کجھ جہیں تے تکھی ہوا دے نال تے کھمنڑ نال مینھ وسیا ۔ ساریں توں ودھ مینھ دیر اچ10، لوئردیر06 ، کاکول، میرکھانی02، دروش01، مظفرآباد04 گڑھی دوپٹہ تے راولاکوٹ اچ02 ملی میٹر ریکارڈ کیتی گی ۔ساریں توں ودھ درجہ حرارت مٹھی اچ 44 ڈگری سنٹی گریڈ ریکارڈ کیتا گیا۔ محکمہ موسمیات دے مطابق آندے 24 گھنٹے دے دوران اسلام آباد ، راولپنڈی سمیت ملک دے ودھ سارے علاقیں اچ موسم رکھا مالاکنڈ، مکران ڈویژن، بالائی فاٹا، گلگت بلتستان اتے کشمیر اچ کجھ جہیں تے تکھی ہوا دے نال مینھ وسنڑ دا امکان ہے جڈاں جو آندے ڈو ڈینھ ملک دے ودھ سارے علاقیں اچ موسم رکھا ، اتلے سندھ اتے جنوبی پنجاب اچ موسم ودھ سارا گرم رہنڑ دی توقع ہے ، تاں جو مالاکنڈ ڈویژن، فاٹا اتے گلگت بلتستان اچ کجھ جہیں تے کھمنڑ نال ہلکا مینھ وس سگدا ہے ۔
