اسلام آباد ۔ 26 مئی (اے پی پی) حکومت سرکاری شعبے دے ترقیاتی پروگرام دے تحت وزارت مواصلات دے 8 نویں تے ترائے پرانڑیں منصوبیاں دی منظوری ڈیندے ہوئیں مجموعی طو رتے 13 ارب 66 کروڑ 3 لکھ 98 ہزار روپے دی ودھ ساری رقم رکھی ہے ۔انہاں منصوبیں کیتے کل 30 ارب 68 کروڑ 61 لکھ 6 ہزار روپے دا تخمینہ لاتا گیا ہے ۔ مالی سال 2017-18دے بجٹ اچ وفاقی حکومت ولوں پہلے توں جاری ترائے منصوبیں کیتے 13 ارب 30 کروڑ24 لکھ 94 ہزار روپے رکھیے گے ہن ۔ انہاں جاری منصوبیاں کیتے کل 25 ارب 30 کروڑ 64 لکھ 96 ہزار روپے دا تخمینہ لاتا گیا ہے جڈاں جو نویں جاری کیتے گے اٹھ منصوبیاں کیتے کل 35 کروڑ 79 لکھ 4 ہزار روپے مختص رکھیے گے ہن ۔
