اسلام آباد ۔ 8 مئی (اے پی پی) وزیراعظم محمد نواز شریف آکھیا ہے جو پاکستان اومان دے نال اپنڑے برادرانہ تعلقات کوں بہوں اہمیت ڈیندا ہے ۔سلطان بن قابوس دی قیادت اچ اومان سارے شعبے اچ مسلسل پیشرفت کریندا پیا ہے انہاں ولوں پاکستان دے نال تعلقات کوں خصوصی اہمیت ڈتی ونجنڑ قابل تحسین ہے ۔انہاں اے گالھ اومان دے وزیر خارجہ یوسف بن علاوی بن عبداللہ نال سنوار کوں وزیراعظم ہاﺅس اچ گالھ مہاڑ کریندے ہوئیں آکھی ۔وزیراعظم آکھیا جو وزرا خارجہ دی سطح تے ڈوہیں ملکاں وچال باقاعدہ سیاسی مکالمہ ،سٹریٹجک تے اقتصادی مفادات سمیت سارے شعبے اچ جامع تبادلہ خیال سانگے مناسب فورم فراہم کریسی ۔انہاں آکھیا جو معیشت ،تجارت تے سرمایہ کاری دے شعبے اچ سانجھے تعاون اچ ودھارے دے وسیع تر امکانات موجود ہن ۔وزیراعظم آکھیا جو پاکستانی اومان دی بندر گاہیں وچال نیڑے رابطے تشکیل ڈیونڑ اچ اومان دی ودھ ساری دلچسپی کوں چنگاں اکھیندے ہوئیں آکھیا جو پاکستان تے اومان وچال سرکاری سطح تے کمرشل فیری سروس دے آغاز دا امکان مواصلاتی رابطے عوامی سطح تے رابطے پاک او مان ڈو پاسے تجارت اچ ودھارے سانگے نواں شعبہ کھل ویسی ۔ یوسف بن علاوی بن عبداﷲ پرتپاک خیرمقدم تے وزیراعظم دا شکریہ ادا کریندے ہوئیں وزیراعظم دی قیادت کوں سراہیا جنہاں پاکستان کوں سماجی تے اقتصادی ترقی، اقتصادی استحکام دی راہ تے گامزن اتے ملک دے بنیادی ڈھانچے کوں جدید خطوط تے استوار کیتا ہے۔ وزیراعظم دے مشیر خارجہ امور سرتاج عزیز وی ایں موقع تے موجود ہن ۔
