اسلام آباد ۔ 4 مئی (اے پی پی) وزیراعظم محمد نواز شریف آکھیا ہے جو جاپان پاکستان دا اہم ترقیاتی شراکت دار ہے ،ملک اچ کئی اہم ترقیاتی منصوبے جاپان دی معاونت اتے حمایت نال پورے کیتے گے ہن ،اساں اپنڑے عوام دی ترقی تے خوشحالی تے امن دے ودھارے سانگے سانجھے وژن کوں اگی تے ودھاونڑ چاہندوں ،جاپانی سرمایہ کاری پاکستان اچ موجود سرمایہ کاری دے شاندار موقع توں فائدہ چاون ۔انہاں اے گالھ جاپان دے وزیر خارجہ امور تے وزیر مملکت بونوکیشی نال خمیس کوں اتھاں گالھ مہاڑ کریند ے ہوئیں آکھی ۔وزیراعظم جاپانی وزیر اتے انہاں دے وفد دا پرتپاک خیرمقدم کیتا۔ انہاں ستمبر 2016اچ نیویارک اچ وزیراعظم ایبے دے نال پر جوش تے خوشگوار تبادلہ خیال دا ذکر کریندے ہوئیں دو پاسے تعلقات دے مزید استحکام سانگے سانجھے عزم دا اعادہ کیتا ۔ وزیراعظم جاپان دے نال تجارت، سرمایہ کاری اتے ترقیاتی رابطے کوں مزید ودھاونڑ دی امید ظاہر کیتی۔
