اسلام آباد ۔ 25 مئی (اے پی پی) وزیر مملکت اطلاعات ،نشریات تے قومی ورثہ مریم اورنگ زیب آکھیا ہے جو وزیراعظم محمد نواز شریف دے وژن دے مطابق 19سال بعد مردم شماری دا عمل خوش اسلوبی نال پورا تھی گیا ہے جیں تے پوری قوم مبارخ باد دی مستحق ہے ۔ مردم شماری دے عمل دی تکمیل دے ٹھوس بنیاداں تے جامع معاشرتی تے معاشی منصوبہ بندی دیاں مزید رہواں کھل ویسن ۔خمیس کوں جاری کیتے گے اپنڑے بیان اچ وزیر مملکت آکھیا جومردم شماری دی کامیاب تکمیل تے وزیر خزانہ اسحاق ڈار اتے انہاں دی ٹیم مبارخ باد دی مستحق ہے۔ انہاں مردم شماری دے عمل اچ شریک سارے استاداں ، سکیورٹی اہلکاراں اتے مردم شماری دے عملے کوں انہاں دی ودھ ساری محنت تے قومی فریضہ پورا کرنڑ تے مبارخ باد پیش کیتی۔ مریم اورنگزیب آکھیا جو ایں عمل دی تکمیل سانگے فرائض انجام ڈیونڑ آلے اداریں کوں خراج تحسین پیش کریندے ہن۔ پوری قوم ایں عمل اچ جاناں دا نذرانہ ڈیونڑ آلے شہیداں سانگے دعا گو ہے ۔وزیراطلاعات آکھیا جو مردم شماری دے عمل دی تکمیل دے بعد ٹھوس بنیاداں تے معاشرتی تے معاشی منصوبہ بندی دیاں مزید رہواں کھل ویسن
