ریاض ۔ 21 مئی (اے پی پی) وزیراعظم نواز شریف اتوارکوں پہلی امریکہ عرب اسلامی سربراہی کانفرنس اچ شرکت کیتے جئیں ویلے شاہ عبدالعزیز کانفرنس سینٹر پجے تاں سعودی عرب دے فرمان رواء اتے خادم الحرمین الشریفین شاہ سلمان بن عبدالعزیز نے انہاں دا ودھ چڑھ تے خیرمقدم کیتا ۔وزیراعظم شاہ سلمان بن عبدالعزیز السعود دی دعوت اپتے اجلاس اچ شرکت کریندے پئے ہن ۔ مشیر خارجہ سرتاج عزیز اتے خاتون اول بیگم کلثوم نواز وی انہاں دے نال ہن ۔ امریکہ عرب اسلامی کانفرنس اچ سعودی عرب دے فرمانروا شاہ سلمان بن عبدالعزیز اتے امریکہ دے صدر ڈونلڈ ٹرمپ دے علاوہ 51ملک شرکت کریندے پئے ہن جنہاں اچ 15مختلف عرب واسلامی ملکاںدے سربراہان حکومت وریاست شامل ہن ۔ ریاض اچ تھیونڑآلی ایں کانفرنس دے ذریعے شریک ملکاں کوں دنیا اچوں دہشتگردی اتے انتہاپسندی کوں مکاونڑ کیتے مختلف طریقیاں اُتے غور دا موقع ملسی۔کانفرنس نال خطاب اچ وزیراعظم محمد نواز شریف اسلام دے امن، برداشت اتے اتحاد دے پیغام کوں اجاگر کریسن ۔
