حکومت آزادی صحافت دے ودھارے ، فعال میڈیا دی ترقی سانگے ہر ممکن معاونت فراہم کریسی
اسلام آباد ۔18 مئی(اے پی پی)وزیر اعظم محمد نواز شریف کونسل آف پاکستان نیوز پیپرز ایڈیٹرز (سی پی این ای) دے نویں منتخب عہدیداراں کوں مبارخ ڈتی ہے ۔ خمیس کوں اپنڑے تہنیتی پیغام اچ وزیر اعظم ضیاءشاہد کوں تنظیم دا صدر ، اعجاز الحق کوں سیکرٹری منتخب تھیونڑ تے بے عہدیداراں کوں انہاں دے انتخاب تے مبارخ ڈتی ہے ۔ وزیر اعظم آفس ولوں جاری بیان دے مطابق وزیر اعظم پاکستان اچ جمہوریت دے استحکام اچ پرنٹ میڈیا دے کردار کوں نشابر کریندے ہوئیں آکھیا ہے جو حکومت آزادی صحافت دے ودھارے تے ملک اچ فعال میڈیا دی ترقی سانگے ہر ممکن معاونت تے حمایت فراہم کریسی
