اسلام آباد ۔ 3 مئی (اے پی پی) وزیر مملکت وفاقی تعلیم و پیشہ وارانہ تربیت انجینئر محمد بلیغ الرحمن آکھیا جوپاکستان ہر شعبہ اچ ترقی کریندا پئے،2018ء تئیں لوڈشیڈنگ دا یکا سانگے خاتمہ تھی ویسی،نینگر اساڈا مستقبل ہن ،چنگا اخلاق اتے کارکردگی انہاں کوں ڈوجھیاں توں انج کریندے۔او بدھ کوں بحریہ یونیورسٹی دے 17 ویں کانووکیشن توں خطاب کریندے پئے ہن ۔ایں موقع تے انہاں آکھیا جو قوم کوں آپ تے فخر اے ،طلباء اساڈا مستقبل ہن۔دلجمعی اتے محنت نال کم کرن تاں کوئی وجہ نی جو منزل سوکھی تھی ونجے۔انہاں آکھیا جو جڈاں اساڈی حکومت آئی تاں ملک اچ 19لوڈشیڈنگ ہئی جئیں اچ نشابر گھٹکی آئی اے۔انہاں آکھیا جو سرمایہ کاراں دا اعتماد بحال تھیے۔پاکستان اچ ودھ توں ودھ سرمایہ کاری تھیندی پئی اے۔انہاں آکھیا جو 2015ء دے معاشی سروے دے مطابق بے روزگاری اچ گھٹکی آئی اے۔انہاں آکھیا جو نیلم جہلم جلدی پورا کر گھدا ویسی،بھاشا ڈیم تے کم جاری اے جئیں دا ودھ حصہ پورا تھی گئے ۔2018ء تئیں 16ہزار میگاواٹ بجلی سسٹم اچ آ ویسی اتے لوڈشیڈنگ مک ویسی۔
