راولپنڈی ۔ 2 مئی (اے پی پی) پاکستان اتے بھارت دے فوجی حکام وچال گزریل رات کنٹرول لائن دے راولاکوٹ۔ پونچھ سیکٹر اچ لوکل کمانڈرز دی سطح تے ہاٹ لائن رابطہ تھیا ۔ پاک فوج دے شعبہ تعلقات عامہ ( آئی ایس پی آر) ولوں جاری بیان دے مطابق بھارتی حکام کوں ڈسایا گیا جو پاکستانی فوجیاں سیز فائر دی کوئی خلاف ورزی کیتی نہ ہی کنٹرول لائن پار کیتی تے نہ ہی بھارتی فوجیاں دیاں لاشاں دی بے حرمتی کیتی۔ بھارتی حکام کوں ڈسایا گیا جو انہاں الزاماں د ے بعد میڈیا غیر ضروری طور تے ہیجان پیدا کیتا۔ پاکستان کنٹرول لائن تے امن برقرار رکھنڑ سانگے پورے طور تے پر عزم ہے تے ڈوجھے پاسوں وی ایں جذبے دی امید رکھیندا ہے ۔توقع ہے جوبھارت دانشمندی دا مظاہرہ کریسی تے ایجھا کوئی اقدام کائناں کریسی جیں نال کنٹرول لائن دا امن متاثر تھیوے
