اسلام آباد ۔ 14 مئی (اے پی پی) منصوبہ بندی اٹ ترقی ڈے وزیر احسن اقبال آکھے جو پاکستان خطے اچ امن اتے استحکام چاہندے اتے وزیر اعظم محمد نواز شریف سارے ہمسایہ ملکاں نال دوستانہ تعلقات چاہندے ہن ۔ بی بی سی ریڈیو نال گالھ مہاڑ کریندے ہوئیں انہاںآکھیا جو اساں خطے دے سارے ملکاںکوں آپس اچ جوڑنڑاں چاہندے ہئیں تانجو چین پاکستان اقتصادی راہداری منصوبہ ( سی پیک) توں ودھ توں ودھ فیدہ چاتا ونج سگے ۔ انہاں آکھیا جو کجھ طاقتاں ملک اچ ترقی دے عمل کوں سبوتاژ کرنڑاں چاہندیاںہن۔ جڈانجو اے انہاں دی چھوٹی سوچ ہے ۔ انہاں آکھیا جو سی پیک دے ذریعے بلوچستان دے گھٹ ترقی یافتہ علاقیاں کوں ترقی یافتہ علاقیاں نال ملایا ویسی ۔ ہک سوال دے جواب اچ وفاقی وزیر آکھیا جو بلوچستان اتے سندھ ایں وڈے منصوبے توں ساریاںتوں ودھ فیدہ چیسن ۔ انہاں آکھیا جو حکومت سارے سانجھے داراں دے خدشات کوں دور کیتے اتے ہنڑ سارے صوبے منصوبے دی پوری حمایت کریندے پئے ہن ۔
