اسلام آباد ۔11 مئی (اے پی پی) مسلم لیگ (ن) دے رہنما دانیال عزیز آکھیا ہے جو پی ٹی آئی منظم انداز نال باہرلے ملکاں توں فنڈ گھندی ہے ۔سریم کورٹ دے باہروں میڈیا نال گالھ مہاڑ کریند ے ہوئیں انہاں آکھیا جو گزریل 18سالاں توں پی ٹی آئی کوں انتخابات اچ کوئی قابل ذکر کامیابی حاصل نی تھی سگی تے 2002اچ انہاں کوں خیرات دے طور تے ہک سیٹ ملی جیں دے بعد اے جماعت پورے ملک اچ کھنڈ گی ہے تے خیبر پختونخوا اچ حکومت بنڑائی تے پارلیمنٹ تے حملے تے بئے سیاسی رہنماواں کوں کزن بنڑاونڑ دا رواج چل نکلیا ،انہاں آکھیا جو ہنڑ پاکستان اچ جمہوریت مستحکم تھیندی پئی ہے تے واریاں گھننڑ دا وقت مک گیا ہے ۔انہاں آکھیا جو پی ٹی آئی فارن فنڈنگ نال چلدی پئی ہے تے ایں پارٹی دے منشور اچ بلدیاتی سطح توں گھن تے مرکز تئیں پیسے کٹھے کرنڑ دا شیڈول موجود ہے
