بہاولپور۔28 جون (اے پی پی )وزیراعظم محمد نوازشریف سانحہ احمد پورشرقیہ دی اطلاع ملنڑ تے لندن اچوں آپدیاں ساریاں مصروفیات چھوڑ تے پجے۔انھاں لندن توں ای وزیراعلی پنجاب محمد شہبازشریف کو ںبہاولپور پجنڑ اتے ایں سانحہ دے بعد امدادی سرگرمیاں دے حوالے نال سارے انتظامات کرنڑ دی ہدایت کیتی ہئی۔آئل ٹینکر الٹنڑ دی وجہ توں آڈت کوں احمد پورشرقیہ دے نیڑھے بھاءلگنڑ داا المناک واقعہ پیش آیا ھا۔بہاولپور آمد دے بعد وزیراعظم محمد نوازشریف سیدھے سرکٹ ہاﺅس گئے جتھاں انھاں کوں سانحے بارے اچ بریفنگ ڈتی گئی اے۔وزیراعلی پنجاب محمد شہبازشر یف وی اھاں دے نال ہن۔کمشنربہاولپور ثاقب ظفر بریفنگ دے دوران وزیراعظم کوں سانحہ احمد پورشرقیہ اتے اوندے بعد دیاں امدادی سرگرمیاں دے حوالے نال تفصیلات توں آگاہ کیتا۔کمشنر بریفنگ دے دوران ڈسایا جو اے حادثہ سویل6وج تے20منٹ تے تھیا۔کراچی توں بہاولپور ونجنڑ ٓلاا آئل ٹینکر نیشنل ہائی وے تے بہاولپور تے 45کلومیٹر دور پکی پل تے الٹ گیا ،جیندے بعد خوفناک بھاء265بندیاں کوں آپدی ولیھیٹ اچ گھن گھدا جیندے نتیجے اچ 140بندے مر گئین جغاں جوں 125زخمی ان۔حکومت پنجاب جاں بحق دے رشتے داراں کوں 20,20لاکھ روپے جڈاں جو زخمیاں سانگے 10,10لکھ روپے امداد دا اعلان وی کیتا اے ۔
