پاکستان افغانستان اچ امن دے قیام سانگے کہیں وی طریقہ کار دی حمایت سانگے تیارہے
واشنگٹن۔ 20 جون (اے پی پی) امریکا اچ پاکستان دے سفیر اعزاز چوہدری آکھیا ہے جو پاکستان افغانستان اچ امن دے قیام سانگے کہیں وی طریقہ کار سانگے تیار ہے ۔افغانستان ولوں ہر معاملے اچ پاکستان کوں مورد الزام ٹھہراونڑ دا رحجان ختم تھیونڑاں چاہیدا ہے ،ڈوہیں ملکاں کوں دہشتگردی دی صورت اچ سانجھے دشمن کوں ہراونڑ سانگے باہمی تعاون کوں ودھارا ڈیونڑاں چاہیداہے ۔۔گزریل ڈینھ واشنگٹن اچ تھینک ٹینک انڈس دے زیراہتمام مذاکرے توں خطاب کریندے ہوئیں انہاں آکھیا جو پاکستان افغانستان اتے پورے خطے اچ امن چاہندا ہے تے اساں امن کوں یقینی بنڑاونڑ سانگے کہیں وی میکنزم سانگے تیار ہوں ۔ایں مذاکرے توں امریکہ اچ افغانستان دے سفر ڈاکٹر حمید اللہ محب وی خطاب کیتا ۔اعزاز چوہدری فغانستان اچ امن اتے استحکام تے افغانستان دے خلاف اپنڑی سرزمین استعمال نہ کرنڑ دے پاکستان دے عزم دا اعادہ کیتا تے آکھیا جو پاکستان دا امن افغانستان دے امن نال جڑیا ہویا ہے ،افغانستان اچ امن تے استحکام دا ساریں توں ودھ فائدہ پاکستان کوں تھیسی ۔
