لاہور۔4 جون (اے پی پی )صوبائی وزیر کو آپریٹو ملک محمد اقبال چنڑآکھے جو پنجاب حکومت گزریل سالیں دی طرح جاری سال وی متوازن بجٹ پیش کیتے ، جیندے اچ دیہی اتے پسماندہ علاقیاں دی ترقی کیتے ریکارڈ فنڈز رکھے گئے ہن ، جنوبی پنجاب دے عوام دا معیار زندگی اوچا کرنڑکیتے تریخ ساز وسائل رکھے گئے ہن جڈانجو تعلیم، صحت، پیونڑ دے صاف پانڑیں دی فراہمی اتے بئے سماجی شعبیاں دی ترقی اُتے خاص طور تے توجہ ڈتی ویندی پئی ہے ۔انہاں آکھیا جو آندے مالی سال دا بجٹ صوبے دی پائیدار ترقی، مضبوط معیشت اتے عوام دا معیار زندگی اوچا کرنڑ دا ضامن ہے کیونجو ایندے نال پنجاب کوں محفوظ، خوشحال، تعلیم یافتہ، معاشی طور تے مستحکم اتے صنعتی تے زرعی لحاظ نال ترقی یافتہ صوبہ بنڑاونڑ کیتے جامع اتے موثر پروگرام تشکیل ڈتا گئے ، اتے اے بجٹ فلاح عامہ کیتے ہک مربوط معاشی دستاویز ہے۔انہاں آکھیا جو پنجاب حکومت ماضی آلی کار مالی سال برائے 2017-18 کیتے وی شاندار فلاحی، مثالی اتے ریکارڈ ترقیاتی بجٹ پیش کیتے ۔
