اسلام آباد ۔ 5 جون (اے پی پی) چیئرمین سینیٹ میاں رضا ربانی کلبھوشن یادیو کوں ڈتی گی سزائے موت تے عمل درآمددے حوالے نال بین الاقوامی ادارہ انصاف ولوں امتناع دے فیصلے کوں زیر بحث لاونڑ دی تحریک دی منظوری ڈیندے ہوئیں آکھیا ہے جو ایں معاملے تے ایوان بالا اچ ڈو گھنٹے دی بحث کیتی ویسی ۔سنوار کوں ایوان بالا دے اجلاس اچ سینیٹر سراج الحق ایں معاملے تے اپنڑی ولوں جمع کرائی گی تحریک التوا دی منظوری دے حق اچ دلائل ڈتے ۔چیئر مین آکھیا جو اے بہوں اہم معاملہ ہے ایں معاملے تے کہیں ڈینھ ڈو گھنٹے بحث کیتی ویسی تے اٹارنی جنرل تے وزارت خارجہ دے حکام کوں ایں معاملے تے موقف پیش کرنڑ سانگے سڈیا ویسی ۔
