اسلام آباد ۔ 25 جون (اے پی پی) صدر مملکت ممنون حسین اے گالھ چین دے وزیر خارجہ وانگ ژی نال کیتی ۔ جنھاں ایوان صدر اچ آپدے وفد نال ملاقات کیتی۔ ایں موقع تے وزیر اعظم دے مشیر امور خارجہ سرتاج عزیز ، سیکریٹری خارجہ تہمینہ جنجوعہ ، چین دے سفیر سن وی ڈونگ ، افغان امور کےتے چین دے خصوصی نمائندے ڈینگ ڑی دے علاوہ بئے اعلیٰ حکام وی موجود ہن۔ چین دے وزیر خارجہ مسٹر وانگ ڑی ایں موقع تے خطے اچ استحکام کیتے پاکستان، چین اتے افغانستان دے سانجھے اجلاس دی تجویز پیش کیتی اتے آکھیا جو پاکستان خطے اچ استحکام رکھنڑ دی بھرپور صلاحیت رکھدا اے۔ چینی وزیر خارجہ ایں موقع تے چین دے صدر شی جن پنگ ولوںنیک تمناواں دا سنہیا پجوایا جیندے تے صدر مملکت شکریہ ادا کیتا۔ صدر مملکت آکھیا جو افغانستان اتے خطے اچ استحکام دے سلسلے اچ چین دیاں سنجیدہ کوششاں دے اخلاص دی مظہر ان ۔ انھاں بیا آکھیا جو پاک چین دوستی دامستقبل روشن اے اتے اے دوستی ہمیشہ بنڑی رہسی۔ انھاں آکھیا جو توقع اے جو سی پیک دے تحت بجلی دی پیداوار دے منصوبے ویلے توں پہلے مکمل تھی ویسن۔
