اسلام آباد ۔ 6 جون (اے پی پی) وزارت نیشنل ہیلتھ سروسز ریگولیشن اینڈ کوآرڈی نیشن طبی سہولتاں کوں جدید خطوط تے استوار کرنڑ تے انہاںکوں باضابطہ اتے معیاری بنڑاونڑ سانگے 20کروڑ روپے رکھیے گے ہن ۔ذرائع ابلاغ نال گالھ مہاڑ کریندے ہوئیں وزیر مملکت سائرہ افضل تارڑ آکھیا جو حکومت ہسپتالاں اچ علاج معالجے دی عالمی معیار دیاں سہولتاں دی دستیابی یقینی بنڑاونڑ سانگے 20کروڑ روپے رکھیے ہن ۔وزیر مملکت آکھیا جو طبی لیباٹریاں کوں وی جدید آلات ڈتے ویندے پن ۔انہاں آکھیا جو طبی آلات تے دوائیاں دی تیاری دے عمل کوں با ضابطہ بنڑاونڑ دے صرف مجاز تے درج شدہ دوا ساز کمپنیاں کوں ملک اچ کم کرنڑ دی اجازت ڈتی ویندی پئی ہے ۔سائرہ افضل تارڑ آکھیا جو طبی آلات دا اندراج تے باضابطہ معائنہ کیتا ویندا پیا ہے کہیں وی نویں آلے دے استعمال سانگے لائسنس دا حصول پیشگی شرط ہے ۔
